Правілы падачы заявак

Заяўкі прымаюцца да вясны 2027 года

Перад падачай заяўкі на праграму MOST IV, азнаёмцеся з інфармацыяй на гэтай старонцы, а таксама з поўнай версіяй «Правіл падачы заявак» у раздзеле «Дакументы». 

Крытэрыі ўдзелу

Узрост

Больш за 18 гадоў

Грамадзянства

Рэспублікі Беларусь, але пражываць можна як ў Беларусі, так і за мяжой

Прафесійная сфера


Aдзін з шасці фокусных сектараў

Працягласць стажыроўкі


Ад 3 да 90 дзён

Тэрмін падачы заяўкі


Мінімум за 3 месяцы да пачатку стажыроўкі

Краіны прызначэння


Краіны EC, якія не з’яўляюцца краінай пражывання

Этапы ўдзелу ў праграме MOST

1 КРОК

Прачытайце «Правілы падачы заявак»

Без абмежавання часу

З «Правіламі падачы заявак» можна азнаёміцца ніжэй, спампаваўшы дакумент на адной з трох моваў (беларуская, руская, англійская)

2 КРОК

Сфармулюйце мэту стажыроўкі

Без абмежавання часу

Падумайце, якой мэты вы хочаце дасягнуць за конт стажыроўкі.

Які фармат, месца, даты стажыроўкі падыходзяць для дасягнення гэтай мэты?

3 КРОК

Сплануйце паездку

Без абмежавання часу

Прадумайце план сваёй паездкі па днях. Дамовіцеся з партнёрамі ў ЕС аб супрацы, атрымайце запрашэнні. 

Калі ў вас няма прафесійных кантактаў у ЕС, скарыстайцеся нашай дапамогай (глядзі ніжэй «Калі няма кантактаў у ЕС»)

4 КРОК

Запоўніце і адпраўце заяўку

Мінімум за 3 месяцы да паездкі

Зарэгіструйцеся на Goethe Application Portal. Там жа запоўніце і адпраўце заяўку.

Для дапамогі скарыстайцеся нашай відэа ці тэкставай інструкцыяй (глядзі ніжэй «Інструкцыя па запаўненню заяўкі»)

5 КРОК

Дачакайцеся ацэнкі заяўкі

Да 5 тыдняў

Ваша заяўка праходзіць некалькі этапаў ацэнкі: спачатку па фармальных крытэрах, а пасля — экспертную ацэнку ад трох незалежных чальцоў журы па вашым сектары

6 КРОК

Узгадніце і падпішыце дамову

Да 3 тыдняў

Калі вашая заяўка будзе ўхвалена журы, з вамі звяжацца мэнеджэрка праграмы для высвятлення фінальных дэталяў стажыроўкі і заключэння дамовы.

7 КРОК

Адпраўляйцеся ў паездку

ад 3 да 90 дзён

Хутка пасля падпісання дамовы вы можаце адпраўляцца ў паездку! Перад стажыроўкай раім азнаёміцца з формамі справаздачы (раздзел «Дакументы»).

Падчас стажыроўкі занатоўвайце асноўныя моманты ды інсайты, рабіце фотаздымкі.

8 КРОК

Падзяліцеся вынікамі паездкі

2 тыдні і 6 месяцаў пасля вяртання

Мы чакаем, што ўдзельнікі ды ўдзельніцы будуць дзяліцца досведам стажыроўкі ў сваіх прафесійных суполках, а таксама дашлюць справаздачу на пряцягу 2 тыдняў пасля вяртання. Фінальная справаздача падаецца праз 6 месяцаў пасля паездкі.

Частыя пытанні

Пытанні і адказы пра праграму MOST

Якія могуць быць мэты стажыроўкі?
Ваша стажыроўка павінна садзейнічаць прафесійнаму росту і ўстанаўленню партнёрскіх кантактаў з калегамі і калежанкамі ў ЕС. Стажыроўка павінна быць праактыўнай, напрыклад, выступленне на мерапрыемстве, а не толькі яго наведванне.
Ці ёсць абмежаванні па бюджэту паездкі па праграме?
Усе выдаткі, запланаваныя ў бюджэце стажыроўкі павінны быць празрыстымі і абгрунтаванымі. Абмежаванняў па канкрэтных сумах няма.
Ці магчыма дапамога з атрыманнем візы?
Каманда праекта намагаецца падтрымаць ўдзельнікаў ды ўдзельніц праграмы ў атрыманні візаў краін ЕС, але канчатковае рашэнне ў атрыманні візы прымаецца консульскімі аддзеламі адпаведных краін.
Ці прадастаўляе праграма MOST кансультацыі па падрыхтоўцы заявак?
Каманда праекта штомесяц арганізуе інфармацыйныя анлайн-сесіі, калі ёсць магчымасць задаце свае пытанні ў групавым фармаце. Даты і час інфасесій анансуюцца загаддзя ў сацыяльных сетках і на сайце праграмы. Таксама можна накіраваць свае пытанні на пошту праграмы infomobility@goethe.de.

Што, калі няма кантактаў у ЕС?

Мы можам дапамагчы з ідэямі і прапановамі для стажыроўкі, падказаць кантакты патэнцыйных партнёраў і арганізацый па вашай тэме.

Інструкцыя па запаўненню заяўкі

Заяўкі на праграму MOST падаюцца праз Goethe Application Portal (GAP).
Ніжэй вы знойдзеце відэа- ды тэкставую інструкцыю са скрыншотамі па запаўненні заяўкі ў GAP

Падрабязная інструкцыя
Кароткая інструкцыя

Дакументы

Важныя дакументы, якія можна спампаваць для азнаямлення

Правілы падачы заявак

Версія 25 лістапада 2024 (PDF)

Форма заяўкі

Форма заяўкі прадстаўлена для азнаямлення.
Заяўка на MOST запаўняецца толькі праз Goethe Application Portal.

Форма бюджэта

Інструкцыя па запаўненню бюджэта знаходзіцца ўнутры файла (Exсel)

Формы справаздачы

Першыя тэкставая і фінансавая справаздачы, фінальная справаздача

Ёсць пытанне?

Ніжэй вы можаце задаць пытанне камандзе праекта MOST IV, адказ прыйдзе на пазначаную пошту.