Удзел у шырока вядомым ва ўсім свеце сімпозіуме EuroPerio11 у Вене, які праходзіў 14-17 мая 2025 года, стаў паваротным момантам для беларускага твара-сківічнага хірурга Кірыла Палякова. Гэты вопыт не толькі паглыбіў клінічныя веды Кірыла, але і адкрыў яму новыя гарызонты: ад заснавання ўласнай клінікі да інвеставання ў профільную адукацыю за межамі Беларусі.
«EuroPerio11 даў мне рэдкую магчымасць павучыцца непасрэдна ад лепшых спецыялістаў у маёй галіне. Я не проста назіраў — я актыўна ўдзельнічаў, прэзентаваў свае напрацоўкі і наладжваў кантакты, якія пэўна стануць вызначальнымі для наступнага этапа маёй кар’еры», — падзяліўся ўдзельнік праграмы.
Удзел у кангрэсе EuroPerio11 дапамог хірургу значна палепшыць навыкі аперыравання, асабліва пры выкарыстанні высокадакладных хірургічных тэхнік, якія прадугледжваюць укараненне штучнага інтэлекту. Мерапрыемства таксама спрыяла ўмацаванню прафесійных кантактаў з міжнароднымі экспертамі і пастаўшчыкамі медыцынскага абсталявання, што паклала пачатак далейшаму супрацоўніцтву.
Акрамя таго, актыўны ўдзел у сімпозіуме павысіў пазнавальнасць удзельніка праграмы ў сусветнай хірургічнай супольнасці і паспрыяла ўмацаванню яго прафесійнай рэпутацыі на міжнароднай арэне. Атрыманы вопыт натхніў Кірыла Палякова на распрацоўку канкрэтных планаў на будучыню, а менавіта адкрыццё новай клінікі і настрыфікацыю доктарскай дысертацыі, што забяспечыць акадэмічную інтэграцыю доктара ў Еўрапейскім Саюзе.
Праект MOST IV – гэта праграма стажыровак, якая спрыяе прафесійнаму абмену паміж беларусамі і іх калегамі з краін ЕС; фінансуецца Еўрапейскім саюзам і рэалізуецца Гётэ–Інстытутам.